Тошкентдаги Турин политехника университетига кириш тестларини онлайн режимда топшириш йўлга қўйилади

Тошкентдаги Турин политехника университети 2015−2016 йилги ўқув йили учун абитуриентлардан ҳужжатларни қабул қилишни бошлади. Бунинг учун улар дастлаб университет сайтидан онлайн рўйхатдан ўтиши лозим, деб хабар бермоқда «Газета.uz».

Бу йил биринчи марта Андижон, Фарғона ва Наманган вилоятлари абитуриентлари учун ҳужжатларни топшириш ва тестлар май ойида Андижонда бўлиб ўтади. Қорақалпоғистон Республикаси ва Хоразм вилояти абитуриентлари учун эса тест синовлари июнь ойида Нукусда ташкиллаштирилади. Тестлар университет томонидан онлайн режимда ўтказилади.

«Янгиликнинг асосий мақсади GM Uzbekistan’нинг Андижон ва Хоразм вилоятларидаги заводлари, шунингдек саноатнинг бошқа муҳим соҳалари учун малакали мутахассис−муҳандислар бўлиб етишадиган маҳаллий истеъдодли ёшларни кўпроқ жалб қилишдир», − деди университетнинг ўқув−методик бўлими раҳбари Мақсудбек Бойжонов.