Франциялик жуфтлик 2013 йилда руминиялик оиладан 8 минг евро ва эски BMW эвазига гўдак сотиб олганлиги учун, 8 апрель куни, Марсель судида ҳозир бўлди. Уларга 30 минг евро миқдоридаги жарима ёки 2 йиллик қамоқ жазоси қўлланиши мумкин. Бу ҳақда BFM ТV телеканали хабар берди.
28 ёшли Майк ва 27 ёшли Кармен Горганлар бола учун пул тўлаганликларини тан олганига қарамасдан ўзларини айбдор эмас деб ҳисобламоқда. Кармен: «Биз қандайдир ёмон иш қилдик деб ўйламаймиз. Биз болани муҳтожликдан қутқардик, биз бўлмаганимизда у ўлиши мумкин эди», – дея ўз фикрини маълум қилди.
Горганлар оиласидан ташқари Марселда одам савдосида айбланиб руминиялик тўрт опа-сингил ҳам судланмоқда, дейилади The Daily Mail берган хабарда. Суриштирув-қидирув натижаларига кўра айнан улар болани Кармен ва Майкка сотган бўлиши мумкин. Гумондорлар эса, боланинг совға қилинганлигини айтиб, айбларини инкор этмоқда. Айбдорлиги исботланган тақдирда уларга ўн йиллик қамоқ жазоси қўлланилади.
Изоҳ (0)