Киевнинг Деснянск туманида турар жойнинг бешинчи қаватида жойлашган хонадон деразасидан маҳаллий фуқаро — пенсионер аёл ўзини ташлади, дея хабар бермоқда «Сегодня.ua». Аёлни оёқ-қўллари бир неча жойдан синган ҳолда касалхонага етказишди. Шифокорлар сўзларига кўра, ҳозир унинг ҳаётига ҳеч нарса хавф солмаяпти.
Кампирнинг у билан бирга яшайдиган ўғли ҳуқуқни ҳимоя қилиш органларига онаси руҳий хасталикдан азоб чекишини маълум қилди. Маълум бўлишича, у ўз жонига қасд қилиш ҳақида кўп бора гап очган.
Аёл ҳаёт билан видолашишга қарор қилиб, ўлими олдидан мактуб ҳам қолдирган, унда ҳеч кимдан гумон қилмаслик ва ҳеч кимни айбламасликни сўраган.