Тошкентнинг Учтепа тумани ҳокимияти қаршисида «Газель» маркасидаги иккита йўналишли такси ёниб кетди. Бу ҳақда Facebook’даги «Водители Ташкента» гуруҳи аъзолари хабар бермоқда.
Хабарга илова қилинган расмда машиналардан бири иккинчисининг йўлини кесиб чиққанини ва ҳар иккаласининг олд қисми ёнаётганини кўриш мумкин.
Фойдаланувчилар ёзган изоҳлардан маълум бўлишича, ўт ўчириш хизмати бўлими шу ерга жуда яқин жойлашган бўлиб, тезда етиб келган ва ёнғинни бартараф қилган. Аланга ўчиб, ерлар оқ кўпикка белангани акс этган суратни гуруҳ аъзоларидан бири илова қилган.
Ўша ҳудуд билан таниш фойдаланувчилар айнан шу ер 169-маршруткаларнинг сўнгги бекати эканлигини қайд этди. Изоҳларда ёнғинга нима сабаб бўлгани борасида кўплаб фикрлар билдирилди. Аксарият бунда ҳайдовчилар айбдор эканлигини таъкидлаб, барчани эҳтиёткорликка чақирди.
Изоҳ (0)