19 март куни Россия саноатчилар ва тадбиркорлар иттифоқи идораси бюроси билан ёпиқ учрашувда Владимир Путин бизнесменларга Украина раҳбари Пётр Порошенко унга Донбассни Россия таркибига қўшиб олишни таклиф қилганини, бироқ у бундан бош тортганини гапириб берди. Бу ҳақда вазиятдан хабардор манбаларига таяниб, Forbes хабар бермоқда, деб ёзади «РБК».
Путин сўзларига кўра, Порошенко ушбу мавзуда 11—12 февраль кунлари Минскда бўлиб ўтган «Норманд тўртлиги» музокараларида гап очган.
«У [Poroshenko] менга тўғридан-тўғри: ‘Донбассни олаверинғ, — деди. Мен унга: ‘Ақлдан озганмисиз? Менга Донбасс керак эмас. Агар сизга керак бўлмаса, уни мустақил деб эълон қилинғ, — деб жавоб бердим», — дея Путин гапидан иқтибос келтирди Forbes ҳамсуҳбатига таяниб.
Порошенко эса Украина ҳукумати Донбасс мустақиллигини эълон қила олмаслигини айтган. Путин бунга жавобан гўёки Украина ҳукумати Донбасс аҳолисига пенсия, нафақаларни тўлашини ва банк тизимини қайта тиклашини талаб қилган.
Изоҳ (0)