Францияда ҳалокатга учраган А320 лайнери иккинчи учувчиси Андреас Любиц Lufthansa авиакомпаниясини оғир депрессияни бошидан кечиргани ҳақида хабардор қилган. Бу ҳақда авиакомпания сайтида хабар берилди деб ёзади «Газета.ru».
«У ўз ёзишмаларида учувчилар мактабини 2009 йилда оғир депрессияси ҳақида хабардор қилган», — дейилади авиакомпания баёнотида.
Lufthansa прокуратурага ҳужжатларни, жумладан Андреас Любиц билан у Учувчилар мактаби курсанти бўлган пайтда олиб борилган ёзишмаларни топширди.
Эслатиб ўтамиз, аввалроқ Germanwings авиакомпанияси самолёти ҳалокатида айбдор деб ҳисобланаётган учувчи Андреас Любиц жами бир ярим йил психиатр кўмагида даволангани маълум бўлган эди.
Эслатиб ўтамиз, 24 март куни Барселонадан Дюссельдорфга парвоз қилаётган Airbus А320 самолёти Франция жанубида, Альп тоғлари устида ҳалокатга учраши оқибатида лайнер бортида бўлган 150 кишининг барчаси ҳалок бўлган эди.
Изоҳ (0)