Ҳиндистон шарқидаги Жаркханд штатида йўловчи автобуси жарликка қулади, натижада камида 10 киши ҳалок бўлди, 30 га яқин киши жароҳат олди. Бу ҳақда «Сегодня.ua» хабар бермоқда.
Полиция маълумотларига кўра, йўл-транспорт ҳодисаси тонгда атроф яхши кўринмайдиган шароитда Гархва-Амбикапур участкасида содир бўлди. Ҳайдовчи автобусни бошқара олмай қолган, тоғ йўлининг мураккаб қисмида автобус тўсиқдан ташқарига отилиб кетган. Воқеа жойида ўн киши, жумладан ҳайдовчи вафот этган. 25 йўловчи жиддий шикастланишлар олган, яна беш киши енгил жароҳатлар билан қутулиб қолган.
Жабрланганлар яқин орадаги давлат касалхонасига етказилди. Ҳодиса юзасидан тергов бошланди.
Изоҳ (0)