Украина президенти Пётр Порошенконинг давлати 750 миллион доллар деб баҳоланмоқда. Бу ҳақда Forbes журнали томонидан тузилган Украинанинг 100 нафар энг бой кишилари рўйхати гувоҳлик бермоқда.
Нашр ёзишича, Порошенконинг асосий активлари ёмон натижа кўрсатмаяпти. 2014 йилда 19 та Рошен фирма дўконлари очилган. Киев фабрикаси даромадини тўққиз марта, деярли 1,5 миллион долларгача кўпайтирган.
Энг бадавлат украиналик деб Ринат Аҳмедов эътироф этилди (6,9 миллиард доллар). Кейинги ўринларни медиамагнат Виктор Пинчук (1,5 миллиард доллар), «Приват» молиявий гуруҳи асосчиси Игорь Коломойский (1,4 миллиард доллар) эгаллади. Порошенко саккизинчи поғонани банд этди.
Изоҳ (0)