Ер аҳолиси 2015 йилда икки марта ой тутилиши гувоҳи бўлиши мумкин, дея хабар бермоқда ТАСС Россия Фанлар академияси Амалий астрономия институтига таяниб. Ғарбий ярим шарда яшовчилар уни 4 апрелда, Шарқий ярим шардагилар эса 28 сентябрда тонг отишидан аввал кўради.
«4 апрель куни ой тутилишини Шимолий ва Жанубий Америка ғарбида ҳамда Тинч океани ороллари, Австралия ва Янги Зеландияда кўриш мумкин бўлади. Ойга Ер сояси тушиб, у саккиз дақиқага қип-қизил тусга киради. 28 сентябрдаги тўлиқ ой тутилиши эса 1 соат-у 13 дақиқа давом этади. У Европада, Осиё ғарби, Африка, Гренландия, Шимолий ва Жанубий Америкада кўринади», — деди институт матбуот котиби Николай Железнов.
4 апрель куни ой тутилишининг авжи Тошкент вақти билан 16:56 га тўғри келади. 28 сентябрдаги тўлиқ ой тутилиши эса Тошкент вақти билан 7:11 да бошланиб, 8:24 да тугайди.
2015 йилда ой тутилишлари қуёш тутилишларидан сўнг содир бўлади. 20 март куни қуёш тутилди, иккинчиси 13 сентябрда кузатилади, ой тутилишлари эса уларнинг ҳар биридан кейин икки ҳафта ўтиб содир бўлади.
Изоҳ (0)