Яман президенти Абду Раббо Мансур Ҳодий Саудия Арабистони пойтахти Ар Риёд шаҳрига етиб келди, деб хабар бермоқда «Knews.kg». Бунгача у хусий исёнчилардан яшириниб турган Адан портидан чиқиб, Уммонга учинчи уринишда киргани хабар қилинган эди.
Ҳодий 28 март куни Мисрнинг Шарм аш-Шайх шаҳрида бўлиб ўтадиган Араб давлатлари лигаси саммитида иштирок этиши кутилмоқда. Аввалроқ у БМТ Хавфсизлик кенгашидан Яманга ҳарбий интервенсия ўтказишни сўраб мурожаат қилган эди.
Эслатиб ўтамиз, 25 март куни Яман президенти Абду Раббо Мансур Ҳодий Адан шаҳридаги бошпанасидан номаълум йўналишга қараб қочган, бунга шаҳарга хусийлар яқинлашаётгани сабаб бўлган эди.
26 март, пайшанбага ўтар кечаси Саудия Арабистони шиа исёнчиларига қарши операция бошланганини эълон қилди, унда яна тўққиз давлат қатнашмоқда. Ар-Риёд хусийларга қарши 100 та қирувчи самолёт ва 150 мингта аскар жўнатди.
Изоҳ (0)