AAA Foundation for Traffic Safety (Йўл ҳаракати хавфсизлиги фонди) кенг кўламли тадқиқот натижаларини эълон қилди, дея хабар бермоқда TJournal. Унинг доирасида аварияларнинг асосий сабабларини аниқлаш мақсадида ёш ҳайдовчилардан салонларга қўшимча видеокамералар ўрнатиш сўралган эди.
Тажриба учун муайян миқдордаги 16—19 ёшли ўсмирлар автомобилларига иккитадан — машина ичига ва ташқарисига камералар ўрнатилди. Шу тариқа тадқиқотчилар 1700 та тўқнашув, йўлдан отилиб кетиш ва бошқа йўл ҳодисаларини камерага муҳрлашга муваффақ бўлди.
Олинган видеоёзувлардан ролик тайёрланди, у ижтимоий реклама сифатида фойдаланилади. Унда авариягача бўлган бир неча сония вақт кўрсатилади. Роликда ушбу лаҳзаларда ҳайдовчилар косметика, радио ёки смартфон туфайли йўлдан чалғиганини кўриш мумкин.
Хавфнинг асосий манбаси мобил телефон эмас (ҳодисаларнинг 12 фоизи) балки салондаги йўловчилар бўлди — улар туфайли ўрганилган ҳалокатларнинг 15 фоизи рўй берди.
Изоҳ (0)