Олимлар Ерда улкан метеорит зарбасидан қолган ерости изларини аниқлади, у сайёрамизга 300 миллион йил аввал келиб урилган, дея хабар бермоқда «Газета.ru».
Геотермаль тадқиқотлар билан шуғулланувчи геологлар Жанубий Австралия ҳудудида икки километр чуқурликда қудуқ ковлади. Олимлар ушбу чуқурликдаги ер қобиғи юқори ҳарорат ва катта босим таъсири остида шишага айланган жинсларга эга эканлигини аниқлади. Бундан кейин олиб борилган ишлар бу ерга қачонлардир улкан метеорит қулагани, унинг зарбидан ер усти кратери сақланиб қолмаганини кўрсатди.
Олимлар тахмин қилишича, зарба бундан 300 миллион йил аввал содир бўлган, метеорит эса 10 километр кенгликка эга бўлган ва ер билан тўқнашишдан аввал икки бўлакка ажралиб кетган. Ер қобиғида метеоритдан қолган из Ердаги энг катта издир, унинг кенглиги 400 километрдан ошади.
Изоҳ (0)