Olimlar Yerda ulkan meteorit zarbasidan qolgan yerosti izlarini aniqladi, u sayyoramizga 300 million yil avval kelib urilgan, deya xabar bermoqda “Gazeta.ru”.
Geotermal tadqiqotlar bilan shug‘ullanuvchi geologlar Janubiy Avstraliya hududida ikki kilometr chuqurlikda quduq kovladi. Olimlar ushbu chuqurlikdagi yer qobig‘i yuqori harorat va katta bosim ta’siri ostida shishaga aylangan jinslarga ega ekanligini aniqladi. Bundan keyin olib borilgan ishlar bu yerga qachonlardir ulkan meteorit qulagani, uning zarbidan yer usti krateri saqlanib qolmaganini ko‘rsatdi.
Olimlar taxmin qilishicha, zarba bundan 300 million yil avval sodir bo‘lgan, meteorit esa 10 kilometr kenglikka ega bo‘lgan va yer bilan to‘qnashishdan avval ikki bo‘lakka ajralib ketgan. Yer qobig‘ida meteoritdan qolgan iz Yerdagi eng katta izdir, uning kengligi 400 kilometrdan oshadi.
Izoh (0)