Британиялик олимлар бундан 220 миллион йил аввал қадимий кўл ва дарёларда яшаган улкан амфибия қолдиқларини топди, дея хабар бермоқда «Корреспондент.net».
Эдинбург университети тадқиқотчилари таъкидлашича, янги тур — Metoposaurus algarvensis автомобилдек катталиккача ўсган ва балиқ билан озиқланган.
Ушбу жониворлар ҳозирги саламандр ва тритонларга ўхшаш бўлган, бироқ қўрқмас йиртқич бўлгани ва балиқни тимсоҳлардек овлагани билан улардан фарқ қилган.
Олимлар янги турни Португалия жанубида жойлашган Алгарви ҳудудида топилган суякларни тадқиқ этиш жараёнида кашф қилди.
Метопозаврларнинг катта қисми бундан 200 миллион йил аввал, динозаврлар йўқолиб кетишидан анча олдин қирилиб кетган.
Изоҳ (0)