Мисрлик аёл ишлаш учун 43 йил давомида ўзини эркак киши қилиб кўрсатди, деб ёзади «Российская газета».
Мисрлик Сиса Абу Дауҳ ёшгина пайтида ҳомиладорлигининг сўнгги ойларида эридан бева қолади ва эркакча кийиниб, қурилишда ишлашга боради — ўша пайти аёллар бундай ишларга қабул қилинмас эди.
Кўп йиллар давомида аёл ғишт ортиш, қуриш ва бошқа «аёлларга хос бўлмаган» ишлар билан шуғулланди. Аёл эканлигини билдириб қўймаслик учун у эркаклар оёқ кийими, салла ва кенг эркаклар кўйлагини кийиб юрди.
Яқинда меҳнаткаш аёл Миср ҳукуматидан «мукаммал оналик» учун мукофотга эга бўлди. Шу тариқа мисрлик аёл қиссасидан бутун мамлакат хабардор бўлди.
Айни пайтда у Луксор темир йўл станциясида оёқ кийим тозалаш билан шуғулланмоқда, унга кун кечиришда вояга етиб қолган қизи кўмаклашмоқда.
Изоҳ (0)