Германия ҳукуматининг Facebook’даги саҳифасига ижтимоий тармоқ фойдаланувчиларига қарата Украинадаги воқеалар юзасидан мурожаатнома жойланди, дея хабар бермоқда «Лига. Новости».
«Украинада ва унинг Россия билан чегарасида содир бўлаётган ҳодисалар барчамизни хавотирга солмоқда… Баъзи муштарийлар ҳукуматни Украинадаги низоларда мустақил равишда ҳаракат қилмаётганликда айбламоқда. Аслида Германия биринчи навбатда европача меъёрларга мувофиқ ҳамда барча халқаро ҳамкорлар, жумладан АҚШ билан ҳамжиҳатликда ҳаракат қилмоқда», — дейилади хабарда.
Мурожаатда, шунингдек, Россиянинг ҳаракатлари бунда катта рол ўйнаши, чунки у мамлакат шарқидаги айирмачиларга таъсир ўтказа олиши таъкидланади. Германия федерал ҳукумати Украина ҳукуматининг қонунийлигига шубҳа қилиш керак эмаслигини ҳам қайд этди. Бундан ташқари, у Украинага ўлимга олиб келувчи қуролларни етказиб бермаслигини яна бир бор айтиб ўтди.
Изоҳ (0)