Қозоннинг «Адмирал» савдо марказидаги ёнғинда ҳалок бўлганлар сони ўн кишига етди, дея хабар бермоқда «Газета.ru».
Минтақа шошилинч хизмати маълумотларига кўра, ўнинчи қурбоннинг жасади 13 мартга ўтар кечаси маҳаллий вақт билан 1:25 да топилган.
Савдо мажмуасидаги ёнғин 11 март куни содир бўлди. 55 нафар жабрланганлар тиббиёт ходимларига мурожаат қилган, уларнинг 16 нафари касалхоналарда ётибди. Уч кишининг аҳволи оғир.
Фожиа факти бўйича жиноий иш қўзғатилди. Тергов доирасида савдо маркази ижарачиси бўлган фирма директори Гусейн Гаҳраманов ҳибсга олинди.
Айни пайтда воқеа жойида харобаларни тартибга солиш давом этмоқда.
Изоҳ (0)