Қирғизистонда президент Қурманбек Бакиев режимининг ағдарилиши билан тугаган оммавий намойишлар чоғида ҳалок бўлган ва жабрланганларнинг қариндошлари 27 февраль, жума куни Беларуснинг Бишкекдаги элчихонаси ёнида митинг уюштирди, дея хабар бермоқда «РИА Новости». Улар собиқ президент оила аъзоларининг экстрадициясини талаб қилди.
Намойишчилар шунингдек Беларуснинг Бишкекдаги элчиси билан учрашишни талаб қилмоқда, улар ундан ўз ватанида одиллик билан суд қилиниши учун собиқ президент оила аъзоларини топшириш ҳақидаги талабларини билдирмоқчи.
Митингда 30 га яқин киши қатнашмоқда. Акциялар чоғида ўндан зиёд милиция ходимлари тартиб устидан назоратни ушлаб турибди.
Эслатиб ўтамиз, Қирғизистон собиқ президенти Қурманбек Бакиев 2010 йил 7 апрелдаги оммавий қирғинни уюштиришга алоқадор деб топилиб, мол-мулки мусодара қилинган ҳолда умрбод қамоқ жазосига сиртдан ҳукм қилинган эди.
Аввалроқ Қурманбек Бакиев Буюк Британия фуқароси Шон Дейлига суиқасд ташкил қилишда айбланиб 25 йилга озодликдан маҳрум қилинган эди.
Бакиев 2005–2010 йилларда президентлик қилган. 2010 йил апрель воқеаларида қўзғолончилар ва ҳукумат кучлари ўртасидаги тўқнашувларда 80 дан ортиқ киши ҳалок бўлган, яна 300 киши яраланган. Тўнтаришдан кейин президент Александр Лукашенко таклифи билан Белоруссияга кетган. Қирғизистон ҳукумати тепасига келган рақиблари Бакиевни топширишни талаб этишган, аммо Белоруссия уни Қирғизистонга топширишдан бош тортган.
Изоҳ (0)