Mozilla Firefox браузерининг 36-версияси ўзбек тилида чиқарилди. Бу ҳақда дастурни уч йил давомида таржима қилган Акмал Хушвақтов ўз блогида маълум қилди, деб хабар беради «Kun.uz».
36-версиянинг ўзбек тилида чиқарилгани ҳақида Mozilla сайтида ҳам ахборот берилган, хусусан, унда Firefox’нинг янги версиясида, HTTP/2 протоколида ишлай олиш ва «ёпиштирилган» табларни синхронизация қилиш хоссаларидан ташқари ўзбек тили ҳам қўшилгани қайд этилган.
«Назаримда таржималар жуда ёмон чиқмаган, <...> [баъзи] хато кетган жойи бор, <...> янги сўзлар қўшилган ва улар ҳали ўзбек тилига ўгирилмаган. Аниқроғи, мен хабарсиз қолибман. Кейинги версияларда ўзбек тилида кўрасиз», – деб ёзади таржимон.
«Қисқаси, ўзбекча Mozilla Firefox керак деб ўйлайман. Шунчаки, фақат интернетни кўриш эмас, ундан фойдаланишни осон қилиш учун ҳам ўзбек тили бўлгани яхши, деб ўйлайман», – дея қўшимча қилади Акмал Хушвақтов.
Mozilla Firefox браузерининг 36-версиясини бу ерда кўчириб олиш мумкин.
Изоҳ (0)