Норвегия пойтахти Ослода минглаб мусулмонлар мамлакатдаги яҳудийлар жамияти билан бирдамлиги белгиси сифатида намойиш ўтказди, дея хабар бермоқда «Эхо Москвы». Тадбир Копенгагендаги синагогага қуролли ҳужум уюштирилганидан сўнг ташкил қилинди.
Юзлаб мусулмонлар Норвегия пойтахтидаги марказий синагога (яҳудийлар ибодатхонаси) атрофида жонли ҳалқа ҳосил қилиб, антисемитизм ва исломофобияга қарши чиқувчи шиорларни баралла айтди.
Йиғилганлар шунингдек, динга эътиқод қилиш эркинлигини ёқлаб чиқди ва Европанинг йирик шаҳарларида кетма-кет ҳужумлар уюштирган ақидапарастларни қоралади.
Изоҳ (0)