Туркияда 20 ёшли Озгежан Аслан исмли қизнинг зўрлашга уриниб, ўлдирилиши оммавий намойишларга сабаб бўлди, дея хабар бермоқда The Guardian. Норозилик ҳаракатларида мотам либоси сифатида қора рангда кийинган минглаб кишилар иштирок этди.
Туркия президенти Ражаб Тоййиб Эрдўғон қизнинг ўлдирилишини қоралади ва аёлларга нисбатан шафқатсизликни мамлакатнинг «қонаб турган яраси» деб атади. У бу учун жавобгар кишилар энг жиддий жазога лойиқ эканлигини таъкидлади.
11 февраль куни 26 ёшли маршрутка ҳайдовчиси Аҳмад Суфий Олтиндуке Мерсин провинциясида Асланни зўрламоқчи бўлган. Қиз унга қалампирли баллончани сепиб юборгач, Олтиндуке уни лом билан ўлгунича савалаган. Сўнг отаси ва дўстини ёрдамга чақириб, жасадни Тарсус шаҳридаги дарёга ташлаган.
13 февраль куни қизнинг куйиш белгиларига эга мурдаси топилган. Уч нафар гумонланувчи ҳибсга олинган.
Изоҳ (0)