Осиё чемпионлар лигасидан ўрин олган «Ал-Ваҳда» (БАА) ва «Ас-Саад» жамоалари ўртасидаги ўйин драматик курашлар остида ўтди, деб хабар беради «Stadion.uz».
Ўйин бошида Дамиан Диаз мезбонларни ҳисобда олдинга олиб чиқди. Иккинчи бўлимнинг дастлабки 20 дақиқасида қатарликлар 2 та тўп киритиб, олдинга ўтиб олди. 72-дақиқада Амир Умар ҳисобни тенглаштирган бўлса, қўшиб берилган 2-дақиқада Шеҳҳий «Ваҳда»нинг учинчи голини киритди. Айнан шу қўшимча дақиқаларда мезбонларнинг икки, «Ас-Саад»нинг бир нафар ўйинчиси майдондан четлатилди. 90+8-дақиқада эса доҳаликлар ҳисобни тенглаштирди — 3:3.
Қўшимча бўлимларда томонлар яна биттадан гол урди. 98-дақиқада Халфан Иброҳим ўзининг ўйиндаги учинчи, жамоасининг тўртинчи голини уришга муваффақ бўлди. Орадан 10 дақиқа ўтиб, мезбонлар 9 киши бўлиб ўйнаётганига қарамай, Исмоил Матарнинг голи эвазига ҳисобни тенглаштирди — 4:4.
Пенальтилар сериясида эса омад «Ас-Саад»га кулиб боқди. Шу тариқа, Қатар клуби «Локомотив» ўрин олган “C” гуруҳига бориб жойлашди. Бу гуруҳда «Фулад» (Эрон) ва «Ал-Ҳилол» (Саудия Арабистони) жамоалари ҳам ўрин олган.
ОЧЛ, саралаш плей-офф.
«Ал-Ваҳда» (БАА) — «Ас-Саад» (Қатар): 4:4
Асосий вақт — 3:3. Қўшимча бўлимлар — 1:1. Пенальтилар серияси — 4:5.
Голлар: Дамиан Диаз (8), Амир Умар (72), Муҳаммад аш-Шеҳҳий (90+2), Исмоил Матар (108) — Юсуф Аҳмад (55), Халфан Иброҳим (66, 90+8, 98)
Изоҳ (0)