«Ўзбекэнерго» давлат акциядорлик компанияси 2015 йилда соҳани ривожлантириш ва модернизация қилишга йўналтирилган инвестициялар ҳажмини 2014 йилдагидан 1,5 марта — 1,125 миллиард долларгача кўпайтиради. Бу ҳақда компания вакилига таяниб, «РИА Новости» хабар берди.
Агентлик ҳамсуҳбатининг аниқлик киритишича, ҳукумат жорий йилда электроэнергетика соҳасига йўналтириладиган инвестицияларни ўзлаштириш бўйича прогнозли параметрларни тасдиқлаган. Капитал маблағлар тузилмасида хорижий қарзлар ва инвестициялар 701,5 миллион долларни, «Ўзбекэнерго» ДАКнинг хусусий маблағлари 305,2 миллион доллар, Ўзбекистон Тикланиш ва тараққиёт фонди кредитлари 118,9 миллион долларни ташкил этади.
Хусусан, режага мувофиқ, компания 2015 йилда Тошкент иссиқлик электростанциясида 512 миллион долларлик 370 МВт қувватига эга буғ-газ қурилмасини қуради, шунингдек Тошкент вилоятида 54 миллион долларга Чорвоқ ГЭС модернизациясини тугатади.
Изоҳ (0)