Ўзбекистонда Давлат инвестиция дастурини амалга ошириш, маҳаллий ва хорижий инвесторлар учун зарур шароит ва қулай муҳит яратиш борасида амалга оширилган чора-тадбирлар натижасида 2014 йилда Ўзбекистон иқтисодиётига жалб қилинган инвестицияларнинг умумий ҳажми 2013 йилга нисбатан 10,9 фоизга ўсиб, 14,6 миллиард долларни ташкил этди. Бу ҳақда Ўзбекистон Республикаси Марказий банки расмий сайтида хабар берилди.
Бунда, асосий капиталга йўналтирилган инвестицияларнинг аксарият қисми, яъни қарийб 80 фоизи корхоналар, аҳоли, тўғридан-тўғри инвестициялар ва кредитлар ҳисобидан молиялаштирилди. Хусусан, жами капитал қўйилмаларнинг 21,2 фоиздан ортиғини ёки 3 миллиард доллардан зиёдини хорижий инвестициялар ва кредитлар ташкил этди.
Умумий инвестицияларнинг 73 фоиздан ортиғи ишлаб чиқариш соҳасига ва қарийб 40 фоизи машина ва ускуналар харид қилишга йўналтирилди.
Изоҳ (0)