Эронда HTC Desire Eye смартфони устида краш-тест ўтказишди, дея хабар бермоқда «Mail.ru». Ушбу тажрибанинг бошқалардан фарқи шундан иборат бўлдики, муаллифлар смартфоннинг чидамлилигини Теҳрон ҳайвонот боғида синовдан ўтказди.
Дастлаб стандарт дроп-тестлар комплекси ўтказилди: смартфонни ёнбоши, орқа панели ва экрани билан ерга ташлашди. Экрани дарз кетиб, корпуси ҳам бир неча жойидан зарар кўрган смартфон ишлашда давом этди. Шундан сўнг уни ҳайвонот боғидаги фил оёғи остига ташлашга қарор қилишди.
Устидан фил юриб ўтгач, смартфонни текшириб кўришди: у ҳали ҳам ишлаб, ўз функцияларини сақлаб қолган эди.
Изоҳ (0)