Ўзбекистонда Хитойнинг Xiaomi компанияси ишлаб чиқарган Mi Pad планшет компьютери сотила бошлади, деб хабар бермоқда «Mobinfo.uz». Планшетнинг ташқи кўриниши Apple iPad mini’нинг деярли тўлиқ нусхасидир, бироқ ундан анча арзон туради. Модель 2014 йил ўртасида тақдим этилган эди.
Қурилма 7,9 дюйм 2048×1536 пикселли Retina-экран ва NVIDIA Tegra K1 процессори билан жиҳозланган. Ички хотираси ҳажми 16 Гб, 8 мегапикселли асосий ва 2 мегапикселли олд камерага эга.
Xiaomi Mi Pad Android 4.4.2 KitKat операцион тизимида ишлайди. Қурилманинг ўлчамлари 202×135,4×8,5 мм, оғирлиги 360 граммга тенг.
Планшет пойтахтдаги «Флешка» савдо мажмуасида 1,2 миллион сўмдан сотилмоқда. Таққослаш учун, Apple iPad mini 2’ни у ерда 2,2 миллион сўмга харид қилиш мумкин.
Изоҳ (0)