Бир гуруҳ ташаббускорлар оддий ижтимоий тармоқлардаги баҳс ва низолардан чарчаганлар учун янги Jynx муқобил тармоқ очиш ғоясини тақдим этди, дея хабар бермоқда «Российская газета». Улар YouTube’га ушбу тармоқ ҳақида ҳазилона тафсилотлар келтирилган видеони жойлади.
«Jynx тинч ва осойишта макон қуриб, фойдаланувчилар ўзлари билан бир хил фикрловчи кишилар билан мулоқот қилишига имкон яратади. Провокатор ва троллар эса ёқимли суҳбатни буза олмайди», — дейилади видеода. Гап шундаки, ушбу ижтимоий тармоқда фойдаланувчининг янгиликлар тасмаси фақат у учун ёқимли бўлган постлардан иборат бўлади.
Jynx ҳозирча фақат ғоя бўлиб қолмоқда. Лойиҳа ҳақиқатан ҳам ишга туширилиш-туширилмаслиги номаълум. Бироқ кўпчилик фойдаланувчилар ушбу янгиликни қучоқ очиб қарши олди.
Изоҳ (0)