2015 йилнинг 28 январь куни Ўзбекистон Республикаси Ташқи ишлар вазири Абдулазиз Комилов Шарқий Уругвай Республикасининг янги тайинланган Фавқулодда ва мухтор элчиси (қароргоҳи Москва шаҳрида) Анибал Кабрал Сегалербани қабул қилди. Бу ҳақда Ўзбекистон Республикаси Ташқи ишлар вазирлиги расмий сайтида хабар берилди.
Элчи Ўзбекистон Республикаси Президенти номига йўлланган ишонч ёрлиқларини топширди.
Суҳбат давомида савдо-иқтисодий, сармоявий ва бошқа соҳалардаги икки томонлама муносабатларнинг ҳолати ва ривожлантириш истиқболлари кўриб чиқилди.
Мулоқот чоғида халқаро ташкилотлар, хусусан, БМТ ва унинг тузилмалари доирасидаги ҳамкорлик масалаларига алоҳида эътибор қаратилди.
Томонлар муносабатларни институтлаштиришга қизиқиш билдирди. Таъкидлаб ўтилганидек, ушбу қадам Ўзбекистон — Уругвай мулоқотига узвий тус бериш имконини яратади. Ҳамкорликнинг шартномавий-ҳуқуқий асоси устидаги қўшма фаолият долзарб эканлиги эътироф этилди.
Учрашувда айрим халқаро ва минтақавий муаммолар ҳам кўриб чиқилди.
Изоҳ (0)