Тошкент цирки артисти гимнастикачи Комила Ҳаметова 23—26 январь кунлари Ригада бўлиб ўтган «Олтин Карл — 2015» бешинчи халқаро цирк фестивалида «Бронза Карл»ни қўлга киритди, дея хабар бермоқда «Газета.uz».
Ўзбекистон давлат циркидагиларнинг айтишича, Комила Ҳаметова «Ҳаво ҳалқаси» номери билан чиқиш қилган, у ҳакамлар ҳайъатига шунчалик ёқиб тушганки, улар қизга Рига циркида ишлашни таклиф қилган.
Танлов Гран-присини молдовалик артистлар қўлга киритган бўлса, Беларусь ва Россия вакиллари «Олтин Карл» совриндорига айланди. «Кумуш Карл» Украина, Россия ва Беларусь намоёндаларига насиб этди. «Бронза Карл»ни эса Комила билан бир қаторда Латвия ва Россия артистлари қўлга киритди.
Изоҳ (0)