iPhone ва Apple’нинг бошқа маҳсулотларини йиғиш билан шуғулланадиган дунёдаги энг йирик электроника ишлаб чиқарувчи Foxconn компанияси ялпи ишдан бўшатиш тадбирларини ўтказмоқчи, дея хабар бермоқда «Mail.ru». Бунга Apple техникаси савдоси ўсишдан тўхтагани ва Хитойда меҳнат ҳақи тўлови ошгани сабаб бўлди.
Айни пайтда Foxconn’да 1,3 миллион киши ишлайди, уларнинг ойлиги 2010 йилдан буён икки баробар ошди. Компания вакили сўзларига кўра, харажатларнинг бундай даражасини ушлаб туриш бора-бора қийинлашмоқда.
IDC компанияси прогнозларига кўра, бу йил смартфонлар бозорининг ўсиш суръати ўтган йилга нисбатан икки баробар камаяди. Foxconn вакили технологиялар ривожланиб боришига қарамай, нархлар тушиши ҳолатига кўникиш кераклигини таъкидлади.
Нашр ёзишича, юзага келган вазиятдан чиқиб кетишнинг ягона йўли йиғиш жараёнини автоматлаштиришдир. Бу ишлаб чиқариш харажатларини қисқартиради, аммо iPhone сифатига қандай таъсир этиши номаълум.
Изоҳ (0)