«Калашников» концерни АҚШдаги Russian Weapon Company (RWC)нинг Америкада Россия бренди остида автоматлар ишлаб чиқаришга бўлган интилишини мантиқий қадам деб ҳисоблайди. Бу ҳақда ТАСС хабар бермоқда.
«АҚШ бозорида ‘Калашников’ концерни анъанавий равишда етакчиликни сақлаб келган. Киритилган санкциялар концерн маҳсулотларига қизиқишни сезиларли даражада оширди, ва ҳозирги шароитдаги RWC томонидан қилинган бундай ҳаракат бизга бутунлай мантиқий туюлмоқда. Ушбу лойиҳа афсонавий Калашников автоматининг машҳурлигини яна бир бор исботлайди», — дейди концерн матбуот хизмати ходими.
Хабарларга кўра, дунёга машҳур AK-47 «АҚШда ишлаб чиқарилган» белгиси остида чиқарилади.
Эслатиб ўтиш жоизки, ўтган йилнинг ёзида «Калашников» АҚШ санкцияларига учради. Ундан олдин Россия концерни АҚШ ва Канадага йилига 200 минг дона қурол етказиб бериш бўйича шартнома имзолаганди.
Изоҳ (0)