Ҳалокатга учраган AirAsia компанияси самолёти ёзувларининг охирги парчаларида кўтариш кучининг бирданига пасайиб кетганлиги ҳақида огоҳлантирувчи сигналлар аниқ-равшан эшитилган. Бу ҳақда ТАСС хабар берди.
Индонезия самолёти учувчилари ушбу ҳолатни бартараф қилишга уринган, аммо парвознинг охирги дақиқаларидаги уларнинг сўзларини тушуниш осон бўлмаяпти. Терговчиларнинг хабарларига кўра, огоҳлантирувчи сигналлар бироз муддат эшитилиб турган.
Индонезия транспорт вазири Игнасиус Жонан аввалроқ хабар берганидек, радарлардан олинган маълумотлар шуни кўрсатадики, «кутилмаганда самолёт баландлиги ошган, бироқ унинг тезлиги бу баландликда мумкин бўлган кўрсаткичдан паст бўлган». Шундан сўнг, самолёт қулаши содир бўлган бўлиши мумкин.
Турли давлатларнинг учувчилари ушбу Индонезия самолёти ҳалокатини муҳокама қила туриб, ҳаво кемасининг тезлиги 648 км/с атрофида бўлгани, аслида эса, бундай манёврни амалга ошириш учун камида 833 км/с тезлик талаб қилинишини таъкидлади.
Изоҳ (0)