Halokatga uchragan AirAsia kompaniyasi samolyoti yozuvlarining oxirgi parchalarida ko‘tarish kuchining birdaniga pasayib ketganligi haqida ogohlantiruvchi signallar aniq-ravshan eshitilgan. Bu haqda “TASS” xabar berdi.
Indoneziya samolyoti uchuvchilari ushbu holatni bartaraf qilishga uringan, ammo parvozning oxirgi daqiqalaridagi ularning so‘zlarini tushunish oson bo‘lmayapti. Tergovchilarning xabarlariga ko‘ra, ogohlantiruvchi signallar biroz muddat eshitilib turgan.
Indoneziya transport vaziri Ignasius Jonan avvalroq xabar berganidek, radarlardan olingan ma’lumotlar shuni ko‘rsatadiki, “kutilmaganda samolyot balandligi oshgan, biroq uning tezligi bu balandlikda mumkin bo‘lgan ko‘rsatkichdan past bo‘lgan”. Shundan so‘ng, samolyot qulashi sodir bo‘lgan bo‘lishi mumkin.
Turli davlatlarning uchuvchilari ushbu Indoneziya samolyoti halokatini muhokama qila turib, havo kemasining tezligi 648 km/s atrofida bo‘lgani, aslida esa, bunday manyovrni amalga oshirish uchun kamida 833 km/s tezlik talab qilinishini ta’kidladi.
Izoh (0)