Қозогистон президенти Нурсултон Назарбоев АҚШ президенти Барак Обама билан Украина жануби-шарқидаги вазиятни муҳокама қилди, дея хабар бермоқда «Сегодня.ua» Қозоғистон президенти матбуот хизматига таяниб.
«Қозоғистон президенти ўзининг америкалик ҳамкасбига Украина масаласи бўйича муроса қидиришда янада фаол бўлишни сўраб мурожаат қилди», — дейилади хабарда.
Суҳбат Америка томони ташаббуси билан бўлиб ўтди.
Назарбоев суҳбатдошини унинг шахсан ўзи Украинадаги вазиятни тартибга солиш масаласи билан шуғулланаётгани ҳақида хабардор қилди. «Бу Украина, Россия, Германия ва Франция раҳбарлари даражасидаги музокаралар йўли орқали ҳал этилиши мумкин, деб ҳисоблаймиз», — деди у.
Шу билан бирга, Қозоғистон президенти «Россияга нисбатан иқтисодий санкциялар Марказий Осиё минтақасига таъсир ўтказаётгани»ни таъкидлади.
Изоҳ (0)