Бир неча ўн минг полициячилар ўз ҳамкасблари Вэньян Люни сўнгги йўлга кузатиш учун Нью-Йоркнинг Бруклин туманидаги дафн уйига келди, деб ёзади ТАСС.
Ўтган йилнинг декабрида Лю ва унинг шеригини бир неча афроамерикаликлар ўлими учун тартиб соқчиларидан шу тариқа ўч олмоқчи бўлган эркак отиб ташлаган эди.
Полициячилар дафн маросимида сўзга чиққан Нью-Йорк мэри Билл де Блазиога нисбатан ўз ҳурматсизликларини намойиш этди. Гап шундаки, улар дафн уйи ёнига ўрнатилган катта экранларда мэрнинг нутқи трансляция этила бошлаганида, экранга орқа қилиб туриб олди. Бундай ҳолат Люнинг шериги Рафаэль Рамоснинг 27 декабрда ўтказилган дафн маросимида ҳам кузатилган эди.
Ушбу полициячиларнинг ўлимидан сўнг Нью-Йоркда ҳуқуқни ҳимоя қилиш органлари ходимларига қарата таҳдид этган 20 га яқин киши ҳибсга олинди.
Изоҳ (0)