Россиянинг Санкт-Петербург шаҳрида Coca-Cola HBC заводи директори Дмитрий Сошневнинг йўқолиши факти бўйича жиноий иш қўзғатилди, дея хабар бермоқда Interfax. Иш бундай ҳолатларда Россия Федерацияси Жиноят кодексининг 105-моддаси 1-банди («Қотиллик») бўйича тергов қилинади.
Завод директори йўқолиб қолганлиги ҳақидаги аризани полицияга унинг онаси 30 ноябрь, якшанба куни берган. Аёлнинг айтишича, 28 ноябрь куни эрталаб 8 да Сошнев йирик миқдордаги пул билан ишга жўнаб кетиб, қайтиб келмаган. Унинг қаерда эканлиги ҳозиргача номаълум.
Coca-Cola HBC заводида директор душанба куни ишга келмаганини айтишди. У ишга миниб кетган BMW автомобили топилган, айни пайтда машина экспертлар томонидан ўрганилмоқда.
Изоҳ (0)