Google Chrome браузерининг мобил версиясидан 400 миллион киши фойдаланмоқда

Яқинда бўлиб ўтган Chrome девелоперлари йиғилишида Google ходими Дарин Фишер бугунги кунда Google Chrome браузерининг мобил версиясидан 400 миллион нафар киши фойдаланаётганини эълон қилди. Бу ҳақда Phonearena.com хабар берди, деб ёзади «Пароль» нашри.

Жорий йилнинг июнь ойида бўлиб ўтган Google I/О конференциясида Chrome браузерининг мобил версиясидан 300 миллион нафар киши фойдаланаётгани хабар қилинган эди. Орадан тахминан олти ой ўтиб бу кўрсаткич 100 миллионга ошганини кўриш мумкин.

Таъкидлаб ўтиш жоиз, смартфонлар учун мўлжалланган яна бир оммабоп мобил браузер — Opera’дан ҳозирда 100 миллион нафар киши фойдаланмоқда.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Apple янги iPhone 6 смартфонлари учун иккита реклама ролигини тақдим этди (видео);
• Кўпчилик Nokia’нинг янги N1 планшети Apple iPad mini’га ўхшаш, бироқ бу ёмон эмас деб ҳисоблайди.