Бу йил Инсониятнинг номоддий маданий мероси репрезентатив рўйхатига киритиш учун 46 та номзод кўриб чиқилади, деб ёзади ЮНЕСКО ташкилоти матбуот хизмати. Ушбу номзодлар орасида Ўзбекистондаги пичинг ва қочирим санъати — аския ҳам бор.
Бундан ташқари, номоддий маданий мерос рўйхатига Озарбайжондаги анъанавий келагайи шойи рўмолини ўраш санъати, Қозоғистондаги дўмбира куйини чалиш санъати, қозоқ ва қирғиз ўтовларини тайёрлаш малакаси ҳам киритилган.
Номоддий маданий мерос авлоддан авлодга бериладиган маданий анъаналарни, жумладан халқ оғзаки ижоди, ижтимоий урф-одатлар, тантанали байрамлар, шунингдек табиат ва коинотга, анъанавий ҳунармандчиликка тегишли билимларни ўз ичига олади.
Рўйхатга айни пайтда 281 та элемент киритилган. У турли жамиятларнинг анъана ва урф-одатларига эътиборни жалб қилишга чақиради.
Изоҳ (0)