Universal Mobile Systems (UMS) мобил алоқа оператори собиқ «МТС-Ўзбекистон»нинг Тошкентдаги бош офиси олдида янги операторнинг очилишига неча кун қолганини кўрсатиб турувчи таблони ишга туширди. Бу ҳақда Facebook’даги «Обшественний контроль» гуруҳи аъзолари хабар берган.
24 ноябрь куни ушбу таблода UMS 7 кундан кейин очилишини англатувчи «7» рақами кўрсатилиб турган. Шунингдек, ums.uz сайтида ҳам худди шундай тескари ҳисоб ишга тушган.
Аввалроқ, ums.uz манзилида «Uyut Mebel Servis» мебель фабрикаси ўрнига Universal Mobile Systems (UMS) мобил алоқа операторининг логотипи пайдо бўлгани хабар берилган эди.
Эслатиб ўтамиз, «МТС-Ўзбекистон» ўрнига ташкил қилинган UMS мобил алоқа оператори ўз тижорий фаолиятини 2014 йил 1 декабрдан бошлаши кўзда тутилган.
Изоҳ (0)