Осиё Футбол Конфедерацияси расмий сайтида Ўзбекистон миллий терма жамоаси ва Россиянинг «Краснодар» клуби футболчиси Одил Аҳмедовга бағишланган мақола чоп этилди.
«Осиё кубоги иштирокчиси тўғрисида» рукни остида берилган мақолада Одил Аҳмедовнинг 2011 йилги Осиё Кубоги очилиш ўйинида Қатар дарвозасига йўллаган ажойиб голи ва бутун мусобақа давомидаги иштироки тасвирланган.
Осиё чемпионатидаги ўйинлари билан Аҳмедов «Арсенал» бош мураббийи Арсен Венгернинг назарига тушгани, кейин эса Махачқалъанинг «Анжи» клубига ўтиб, номдор футболчилар билан елкама-елка тўп сургани ва 2014 йилда «Краснодар»га ўтгани айтилган.
ОФК вакилларининг фикрича, Одил 2015 йилги Осиё кубогида Хитой, КХДР ва Саудия Арабистони билан бир гуруҳдан ўрин олган Ўзбекистон терма жамоасининг энг тажрибали футболчиларидан ҳисобланади.
Изоҳ (0)