6 ноябрь куни АҚШнинг Айова штати Логан шаҳри судида 18 ёшли ўсмир Коди Мецкер-Мэдсен ўзининг беш ёшли тутинган укаси Доминик Элкинсни гоблин деб хаёл қилиб ўлдириб қўйганини айтди. Бу ҳақда ТАСС хабар бермоқда.
Фожиа 2013 йил августида ака-укалар ҳовлида ўйнаб юрганида содир бўлган. Ака тўсатдан қўлига ғишт олиб, укасини ура бошлаган, сўнг уни дарёга чўктирган.
Мецкер-Мэдсеннинг судда айтишича, у тез-тез тасаввуридаги дунёга тушиб қолади ва оммабоп Skylanders видеўйини таъсирида галлюцинацияларни ҳис қилади. Жиноят содир қилиш вақтида ўсмир ўз укасини эмас, «жирканч яшил гоблинни» ўлдираётганига ишончи комил бўлган.
Элкинс ва Мецкер-Мэдсен биологик қариндошлар эмас, уларнинг ҳар иккаласи ҳам ота-онаси қарамоғисиз қолган ва битта оилага тарбия қилиш учун берилган. Мецкер-Мэдсен етти ёшлигида унинг онаси ота-оналик ҳуқуқидан маҳрум қлинган. У судда ҳомиладорлик вақтида наркотиклар истеъмол қилганини ва ўғлининг болалигида кўплаб «хаёлий дўстлари» бўлганини айтган эди.
Мецкер-Мэдсен айни пайтда турманинг бир кишилик камерасида сақланмоқда. Унинг адвокати ўсмир жиноятни содир этиш пайтида онгсиз ҳолда бўлганини таъкидламоқда.
Гоблин — Ғарбий Европа мифологиясига кўра, ер ости ғорларида яшовчи ва қуёш нурларига чидам бера олмайдиган ғайритабиий одамсимон мавжудот.
Изоҳ (0)