Хивалик Санобар Матқурбонова, Сатима Олламова, Омонжон Раҳимова енгил топилган даромад дея ўзгалар тақдири билан ўйнашувчи, фоҳишахона ташкил қилиб, одам савдоси билан шуғулланишдан тап тортмайдиганлар тоифасидан бўлиб чиқди, деб хабар бермоқда Ўзбекистон Республикаси Бош прокуратурасининг «Ҳуқуқ» нашри.
Аниқланишича, сурункали равишда спиртли ичимлик истеъмол қилувчи Омонжон ва унинг ҳамтовоқлари Урганчдаги 3-даҳада «ин» қуриб, қизларни алдов ва қўрқитиш йўли билан фоҳишалик қилишга мажбурлаган. Улар қизларни гоҳ ёлғон ваъдалар билан алдаса, гоҳ турли таҳдидлар қилган, лозим топса, калтаклаган.
Учовлоннинг қурбонига айланганлар орасида вояга етмаган қизнинг ҳам борлиги янада ачинарлидир.
Қонун ҳимоячилари томонидан ушбу жиноий гуруҳнинг қилмишлари фош этилиб, суднинг ҳукмига кўра С. Матқурбонова, С. Олламова ва О. Раҳимоваларнинг ҳар бири 5 йил-у 6 ой муддатга озодликдан маҳрум қилинди.
Изоҳ (0)