Xivalik Sanobar Matqurbonova, Satima Ollamova, Omonjon Rahimova yengil topilgan daromad deya o‘zgalar taqdiri bilan o‘ynashuvchi, fohishaxona tashkil qilib, odam savdosi bilan shug‘ullanishdan tap tortmaydiganlar toifasidan bo‘lib chiqdi, deb xabar bermoqda O‘zbekiston Respublikasi Bosh prokuraturasining “Huquq” nashri.
Aniqlanishicha, surunkali ravishda spirtli ichimlik iste’mol qiluvchi Omonjon va uning hamtovoqlari Urganchdagi 3-dahada “in” qurib, qizlarni aldov va qo‘rqitish yo‘li bilan fohishalik qilishga majburlagan. Ular qizlarni goh yolg‘on va’dalar bilan aldasa, goh turli tahdidlar qilgan, lozim topsa, kaltaklagan.
Uchovlonning qurboniga aylanganlar orasida voyaga yetmagan qizning ham borligi yanada achinarlidir.
Qonun himoyachilari tomonidan ushbu jinoiy guruhning qilmishlari fosh etilib, sudning hukmiga ko‘ra S. Matqurbonova, S. Ollamova va O. Rahimovalarning har biri 5 yil-u 6 oy muddatga ozodlikdan mahrum qilindi.
Izoh (0)