Эронда 26 ёшли Райҳона Жабборий исмли қиз осиш йўли билан қатл этилди, дея хабар бермоқда Euronews. Қиз, унинг адвокати таъкидлашича, ўзини зўрламоқчи бўлган кишини ўлдиргани учун олий жазога ҳукм қилинган.
Райҳона қотилликни 2007 йилда, 19 ёшлигида амалга оширган. Шунча йил давомида у қамоқда сақланган.
Ҳуқуқ ҳимоячилари Теҳрон ҳукуматини қатлни бекор қилишга чақирди, бунда улар ҳукмнинг жиддий қонунбузарликлар билан амалга оширилган тергов натижаларига кўра чиқарилганига урғу беришди.
Райҳона ўлдирган киши Эрон разведкаси ходими бўлган. Ислом республикаси қонунларига кўра, марҳумнинг оиласи афв этсагина, қотилга нисбатан ўлим жазоси бекор қилиниши мумкин. Бироқ у афв этилмади.
Изоҳ (0)