Испания чемпионатининг 9-туридан ўрин олган «Реал» ҳамда «Барселона» клублари ўртасидаги учрашув якунланди. Унда Карло Анчелотти шогирдларининг қўли баланд келди, деб хабар бермоқда Uff.uz.
Биринчи бўлимнинг 4-дақиқасидаёқ «Барселона» ҳисобда олдинга чиқиб олди. Неймар каталонияликларнинг тезкор ҳужумини ўз бошлаб бериб, Суареснинг узатмасидан сўнг, унинг ўзи Карвахаль ҳамда Пепени алдаб ўтиб, ажойиб зарба билан тўпни Касиляс қўриқлаётган дарвозанинг қоқ бурчагига жойлади — 0:1.
Шундан сўнг, «Реал» аста-секинлик билан ташаббусни ўз томонига оғдириб олди ва бирин-кетин хавфли ҳужумлар уюштира бошлади. Шуларнинг бири 35-дақиқага келиб наф келтирди. Пике ўз жарима майдонида тўпни қўли билан тўхтатиб қолгани учун пенальти билан жазоланди. Уни эса Криштиану Роналду бехато амалга ошириб, мувозанатни тиклади. Танаффусга қадар дуранг натижа сақланиб қолди.
Иккинчи бўлимнинг 5-дақиқасида Пепе оширилган тўпни боши билан Браво дарзасига жойлади — 2:1. «Барселона» жавоб голи уриш мақсадида ҳужумга берилиб кетди ва бу учун қаттиқ жазоланди. Орадан олти дақиқа ўтгач, «Реал»нинг тезкор қарши ҳужумини Карим Бензема ажойиб тарзда урилган гол билан якунлади. Учрашув охирига қадар «Барселона» ҳар қанча уринмасин вазиятни ўнгай олмади.
«Реал» мазкур ғалаба эвазига 21 очко тўплаб, мусобақа жадвалида 22 очко билан етакчилик қилаётган «Барселона»га бир очко фарқигача яқинлашиб олди.
«Реал Мадрид» — «Барселона»: 3:1 (1:1, 2:0)
Голлар: 0:1 — 4 Неймар, 1:1 — 35, пенальти Роналду, 2:1 — 50 Пепе, 3:1 — 61 Бензема.
«Реал Мадрид»: Касильяс, Рамос, Карвахаль, Пепе, Марсело, Иско (Ильярраменди, 84), Хамес, Кроос, Модрич (Арбелоа, 89), Бензема (Хедира, 87), Роналду.
«Барселона»: Браво, Дани Алвес, Бускетс, Пике, Матье, Хави (Ракитич, 60), Маскерано, Иньеста (С.Роберто, 72), Неймар, Суарес (Педро, 69), Месси.Огоҳлантиришлар: Месси (9), Неймар (14), Пике (34), Иньеста (38), Карвахаль (74).
Изоҳ (0)