Австралиялик жарроҳлар дунёда илк маротаба уч нафар беморга «ўлик» юрак кўчириб ўтказди, дея хабар бермоқда The Guardian.
Уришдан тўхтаган юрак трансплантациясини олимлар аср ҳодисаси деб атади: янги техника шарофати билан энди кўчириб ўтказиш учун яроқли бўлган органлар кўпаяди, натижада 30 фоизга кўп кишининг ҳаёти сақланиб қолинади.
Айни пайтда юрак трансплантациясида клиник ўлим ҳолатидаги кишиларнинг «тирик» органлари қўлланилади. Бироқ Сиднейдаги Авлиё Викентия касалхонасида шифокорлар донорларнинг операциядан 20 дақиқа аввал урмай қўйган юракларини кўчириб ўтказди.
Бунинг учун махсус идишга донорнинг қонидан қуйиб унга органни жойлаштиришди. Стерил электр схема органнинг уриб туришини таъминлаб, зарур ҳароратни ушлаб турди. Донор юраги ушбу идишда тўрт соатгача сақланиши мумкин.
Бундай юрак кўчириб ўтказилган беморларнинг икки нафари ўзларини яхши ҳис қилмоқда, яна бири эса интенсив терапия бўлимида ётибди.
Изоҳ (0)