«Барселона» клуби Испания чемпионати еттинчи турида меҳмонда «Райо Вальекано» устидан 2:0 ҳисобидаги ғалабага эришди. Бу ҳақда Uff.uz хабар бермоқда.
Шу тариқа, каталонияликлар мавсумдаги дастлабки етти ўйинда бирорта ҳам гол ўтказиб юбормаган илк жамоа бўлди. «Барселона» мавсумдаги мазкур етти ўйинда олти бор ғалаба қозониб, «Малага» билан 0:0 ҳисобида дуранг ўйнади.
Маълумот учун, «Барселона» Испания чемпионати доирасида 2665 бора ўйин ўтказиб, 1500 та ғалабага эришган. Шундан 1005 таси ўз уйида, 495 таси эса сафарда қўлга киритилган.
Каталонияликлар 547 бора дуранг ўйнаб, 608 марта мағлубиятга учраган. Бу борада «Реал» клуби «Барселона»дан олдинда бормоқда. Мадридликлар ҳисобида 1564 та ғалаба бор. Учинчи ўриндаги «Атлетико» 1171 маротаба ғалаба қозонган.
Изоҳ (0)