“Barselona” klubi Ispaniya chempionati yettinchi turida mehmonda “Rayo Valyekano” ustidan 2:0 hisobidagi g‘alabaga erishdi. Bu haqda Uff.uz xabar bermoqda.
Shu tariqa, kataloniyaliklar mavsumdagi dastlabki yetti o‘yinda birorta ham gol o‘tkazib yubormagan ilk jamoa bo‘ldi. “Barselona” mavsumdagi mazkur yetti o‘yinda olti bor g‘alaba qozonib, “Malaga” bilan 0:0 hisobida durang o‘ynadi.
Ma’lumot uchun, “Barselona” Ispaniya chempionati doirasida 2665 bora o‘yin o‘tkazib, 1500 ta g‘alabaga erishgan. Shundan 1005 tasi o‘z uyida, 495 tasi esa safarda qo‘lga kiritilgan.
Kataloniyaliklar 547 bora durang o‘ynab, 608 marta mag‘lubiyatga uchragan. Bu borada “Real” klubi “Barselona”dan oldinda bormoqda. Madridliklar hisobida 1564 ta g‘alaba bor. Uchinchi o‘rindagi “Atletiko” 1171 marotaba g‘alaba qozongan.
Izoh (0)