АҚШ президенти Барак Обама уч марта судланганлиги кейинроқ маълум бўлган қуролланган хусусий фирма қўриқчси билан бир лифтга тушиб қолди. Бу ҳақда The Washington Post газетасига таяниб ИТАР-ТАСС хабар бермоқда.
Воқеа 16 сентябрь куни Оқ уй раҳбарининг Аталанта шаҳридаги Касалликлар назорати ва профилактикаси марказига ташрифи давомида бўлиб ўтган. Муассаса томонидан берилган қўшимча қўриқчи АҚШ давлат раҳбарлари хавфсизлигига жавобгар Махфий хизмат маълумотлар базаси текширувидан ўтмагани кейинроқ маълум бўлган.
Лифтда қўриқчи Обамани телефон камерасига ола бошлаган ва буни тўхтатиш тўғрисидаги буйруқни тезда бажармаган. Фирма раҳбари дарҳол қўриқчини ишдан бўшатиб, қуролни топширишни талаб қилган. У тўппончани топширганда қўриқчининг қуролланганлигини хаёлига ҳам келтирмаган президент тансоқчилари яққол саросимага тушиб қолган.
Текширув натижасида унинг муқаддам 3 марта, жумладан, қуролли ҳужум ва калтаклаш учун судлангани маълум бўлган. Хизмат қоидалари бўйича унинг президент билан бир жойда туриши мумкин бўлмаган.
Шунингдек, 19 сентябрь куни Оқ уй биносига АҚШ фуқароси Омар Гонсалеснинг рухсациз кириб олиши ҳам Махфий хизмат раҳбари Жулия Пирсоннинг Конгресс олдида жавоб беришига олиб келган эди.
Изоҳ (0)