Жанубий Кореянинг Инчеон шаҳрида ўтказилаётган Осиё ўйинларида ҳамюртларимиз яна бир бронза медалга сазовор бўлди. Бу ҳақда Ўзбекистон Миллий олимпия қўмитаси хабар берди.
Байдарка ва каноэда эшкак эшиш бўйича тўрт кишилик қайиқда 1000 метр масофага эркаклар ўртасида ўтказилган финал мусобақаларида ўзбекистонлик спортчилар — Сергей Борзов, Вячеслав Горн, Алексей Мочалов ва Александр Тропиндан иборат квартет, белгиланган масофани 3:01,819 сонияда босиб ўтиб, навбатдаги бронза медалини делегация ҳисобига келтирди.
Ушбу мусобақаларда Қозоғистон спортчилари биринчи (2:57,396), Хитой жамоаси эса иккинчи (3:01,374) ўринни банд этди.
Шу тариқа, Ўзбекистон жамоаси ҳисобидаги медаллар сони 18 тага (3 та олтин, 4 та кумуш, 11 та бронза) етди ва умумжамоа ҳисобида ҳозирча 14-ўринда бормоқда.
Изоҳ (0)